ಎಲ್ಲರಿಗೂ ನಮಸ್ಕಾರಗಳು.
ಎರಡು ಬಾರಿ ನಾನು ಅಮೇರಿಕಾಕ್ಕೆ ಹೋಗಿದ್ದೇನೆ. ಎರಡು ಬಾರಿ ಹೋದಾಗಲೂ ೩ ತಿಂಗಳು ಅಲ್ಲಿ ತಂಗಿದ್ದೇನೆ. ಹತ್ತಿರದಲ್ಲಿ ಎಲ್ಲಿಗೆ ಹೋಗಬೇಕಾದರೂ ಕಾರಿನ ಮೊರೆಹೋಗಬೇಕಷ್ಟೇ! ಚಾಲಕ ಎಷ್ಟೇ ಪ್ರವೀಣನಾದರೂ ನಾವಿಕನ ಅಗತ್ಯ ಅತಿಹೆಚ್ಚು. ಆ ನಾವಿಕ ಮನುಶ್ಯನೇ ಆಗಬೇಕು ಎಂಬಂತಿಲ್ಲ. ಮುದ್ದಾದ ಹುಡುಗಿ ಜಿ.ಪಿ.ಎಸ್ ರೂಪದಲ್ಲೂ ಸಹಾಯಕ್ಕೆ ಬರುತ್ತಾಳೆ ಕೆಲವಷ್ಟು ಡಾಲರ್ ಗಳ ಸುಲಿಗೆಯಷ್ಟೆ. ಅಂತ್ಯದಲ್ಲಿ ನೀವು ಸೇರಬೇಕಾದ ಸ್ಥಳ ಸೇರುತ್ತೀರೋ ಇಲ್ಲವೋ ಗೊತ್ತಿಲ್ಲ ಆದರೆ ಸೇರುವಷ್ಟರಲ್ಲಿ ಮಬ್ಬಾಗಿಬಿಟ್ಟಿರುತ್ತೀರ!! ನಕಾಶೆಗೂ ಹೇಳಿಕೊಳ್ಳುವಂತಹ ಕಷ್ಟವೇನೂ ಇಲ್ಲ. ಗೂಗಲ್ ನಲ್ಲಿ ಹೊರಡುವ ಸ್ಥಳದ ವಿಳಾಸ, ಸೇರುವ ಸ್ಥಳದ ವಿಳಾಸವನ್ನು ಸರಿಯಾಗಿ ತಿಳಿಸಿದರೆ ಪಕ್ಕ ಸುಲಭ ದಾರಿಯ ನಕಾಶೆ ತಯಾರುಮಾಡಿಕೊಡುತ್ತದೆ. ಅಂತಹ ನಕಾಶೆ ಹಿಡಿದು ಜನರು ಹೊರಟುಬಿಡುತ್ತಾರೆ.
ಭಾರತದಲ್ಲಿ ಹಾಗಾಗುವುದಿಲ್ಲ. ಎಲ್ಲಿಗಾದರೂ ಹೋಗಬೇಕಾದರೆ ಆ ಸ್ಥಳದ ಬಗ್ಗೆ ಅಲ್ಪ ಸ್ವಲ್ಪ ತಿಳಿದಿರುವ ಸ್ನೇಹಿತರನ್ನು, ಬಂಧುಗಳನ್ನು ಕೇಳಿ ಎಲ್ಲಾವನ್ನು ತಿಳಿದುಕೊಂಡು ಹೊರಡುತ್ತಾರೆ. ದುರಾದೃಷ್ಟವಶದಿಂದ ಯಾರಿಗೂ ಆ ಸ್ಥಳದ ಬಗ್ಗೆ ತಿಳಿದಿರದಿದ್ದರೆ .... ದೇವರೇ ಗತಿ. ಪ್ರತಿಯೊಬ್ಬರೂ ಕೊಲಂಬಸ್ ಗಳಾಗಲು ಆರಂಭಿಸುತ್ತಾರೆ. ಇಂತಹ ಕಷ್ಟಗಳಿರಬಾರದೆಂದರೆ ನಮ್ಮಲ್ಲೂ ಅಂತಹ ಒಂದು ನಕಾಶೆಯ ಅಗತ್ಯತೆ ಇದೆ. ಅದು ಅಂತರ್ಜಾಲದ ರೂಪದಲ್ಲಾದರೂ ಆಗಬಹುದು, ಅಥವಾ ಪುಸ್ತಕ ರೂಪದಲ್ಲಾದರೂ ಆಗಬಹುದು. ಅಂತಹ ದೃಷ್ಟಿಯನ್ನಿಟ್ಟುಕೊಂಡು ಈ ಬ್ಲಾಗನ್ನು ಆರಂಭಿಸುತ್ತಿದ್ದೇನೆ. ಈ ಬ್ಲಾಗ್ ನ ಮುಖ್ಯ ಉದ್ದೇಶ ಹೊಸ ಜಾಗಗಳನ್ನು ಪರಿಶೋಧಿಸುವಂತಹದ್ದು. ಆ ಜಾಗಕ್ಕೆ ತಲುಪುವ ಒಂದು ಸುಲಭ ಮಾರ್ಗಸೂಚಿಯನ್ನಾಗಿಸುವಂತಹದ್ದು. ಈ ಬ್ಲಾಗ್ ನಲ್ಲಿ ಯಾರಾದರೂ ತಮ್ಮ ಪ್ರಯಾಣ-ಪರಿಶೋಧನೆ ಬಗ್ಗೆ ಬರೆಯಬಹುದು. ಬರೆದು ಸಹಕರಿಸಿ. ಓದಿ ಉಪಯೋಗ ಪಡೆಯಿರಿ.
ಇಂತಿ ನಿಮ್ಮ
ಪ್ರಕೊಪ
3 comments:
Good start. Brings smile on readers face(analogy with GPRS). Wish this blog go along for many many years.
ನಿಮ್ಮ ಬರವಣಿಗೆ, ಫೋಟೋ ಖುಷಿ ಕೊಟ್ಟಿತು.. ಚೆಂದದ ಪ್ರವಾಸ ಕಥನ ಒದಿದಂತಾಯ್ತು.. ಹೀಗೆ ಮುಂದುವರಿಸಿ..
madyadalli tegeda photogala visheshathe bimbisidare uttama ...! odugarigoo anukula ...!
hage kathanadha madyadalli putta putta vaividyathe varnisuva saalugaliddare innu sogasagi mudibarudu ...!
evllera horatagiyu ..kathanavu atyatbutha ..!:):)
Post a Comment